Hálvfinalan

Mynd: Sverri Egholm/Portal.fo.

Í 2. parti av Vit herja á! heimildarrøðini hjá Merkistein og co. hoyrast tíðindafólk uttan úr heimi greiða frá Landskrona bragdinum, sum "amatørarnir úr norðuratlantshavi" hava framt. Orðið "amatør" stavar úr gamla latínska orðinum "amare", sum merkir "at elska". Ein amatør er sostatt ein, sum er drivin av kærleika, passión og litinskapi til sítt yrki/øki.

Heimildarrøðin Vit herja á! er sanniliga eisini søgan um glógvandi eldsálir, sum ditta sær at hugsa og realisera ørar tankar (takk og lov fyri slík menniskju). Hetta við passiónini og kærleikanum eru somuleiðis eyðkenni í føroyskum fótbólti, sum tað er fantastiska stuttligt at vera vitni til. Gamaní eru pengar av álvara á veg inn í fótbóltin her á landi, men varðveitið framum alt passiónina - eisini í komandi tíðum.

 

Í kvøld gjørdi eg av at fara inneftir við pápa og bróðuri til hálvfinaluna millum Víking og B36. Hugsaði undan dystinum, at óansæð úrslitið, so er hetta kvalitetstíð saman. "Í viðgongd og mótgongd vit eru øll við", sum Víkingasangurin sigur tað so væl. Well, hetta vísti seg at vera ein dagur við viðgongd, og meiri enn tað. Frálíkt at vitna eitt tendrað Víkingalið í dýrdarveðri við Løkin.

 

Sverri Egholm frá Portal.fo fangaði hesa løtuna, har menn síggja ikki sørt misnøgdir út - óivað við ein brendan málmøguleika - men hóast skræðan er álvarsom, so brúsar gleðin og passiónin innaní! 

#komsovíkingur

 

Eina viku seinni var hendan myndin tikin. Feðgar á Tórsvølli. Takk fyri okkum. Tillukku HB. Framtíðin er kortini ljósablá. #feðgaráferð #steypafinala #víkingur #ljósabláir. Egin mynd.