Ræðusurfmiks vol. II

Í dag er 31. oktober, eisini kent sum allahalgannaaftan. Fyri trimum árum síðani - Allahalgannaaftan 2015 - var eg allahalgannaaftansdiskari - Halloween DJ - í Sirkus í Vágsbotni. Giggið veitti íblástur til eitt trølsligt DJ miks við surf og rockabilly tónleiki, ið fekk heiti Spooky Surf Mix.

Nú er tíðin so búgvin til Spooky Surf Mix vol. II. Í sambandi við fyrra miksið nevndi eg m.a. 'Mystery Train' hjá Elvis, ið ikki kom við tað ferðina, men hesuferð er hann komin við. Eisini eru nøvn sum ganga aftur frá undanfarna miksinum: Dick Dale & His Del-Tones, Screaming Lord Sutch, Link Wray, The Cramps, Sharkey Todd & The Monsters og The Sonics. Í so máta er hetta ein ordiligur 2'ari, akkurát sum við ræðufilmum.

Restin er so at siga nýtt, tvs. nøvn sum ikki hava verið við áður. The Phantom Five, Johnny Eager, The Tarantulas, The Rockin' Continentals, Duane Eddy, Baron Daemon, The Rebel Rousers, The Castle Kings, The Deadly Ones, The Blasters og Laika & The Cosmonauts. Tað mesta av tónleikinum er frá 50-unum og 60-unum, men sumt er nýggjari.
The Blasters komu t.d. fram á amerikansku vesturstrondini í 80-unum. Ein bólkur hvørs tónleikur sýnir djúpt søguligt medvit. Finski kultbólkurin Laika & The Cosmonauts hevur somuleiðis upphav í 80-unum.

Surf og rockabilly tónleikur hevði eina stórtíð báðumegin Atlantshav í 50-unum og 60-unum. Instrumentalir surf bólkar stóðu seg mangan væl, men fyrst í 60-unum var hesin tónleikur troðkaður av trúnuni av The Beatles og British Invasion rákinum. Kortini livir henda sjangran víðari sum submentanarligt og undirgrunds fyribrigdi. Psychobilly og hvat tey annars kalla tað. Tað spøkir enn!

Spooky Surf Mix vol. II inniheldur surf, rockabilly og garasju klassikarar um ólátaðan óhugna, retro ræðuleikar og øtiligan ørskap - til eitthvørt høvi, tað verið seg gaman ella álvara!

 

LAGALISTI

1. Dick Dale & His Del-Tones: 'Night Rider'

2. Screaming Lord Sutch & The Savages: 'Jack The Ripper'

3. The Phantom Five: 'Graveyard'

4. Johnny Eager: 'The Howl'

5. The Tarantulas: 'Tarantula'

6. The Cramps: 'Primitive'

7. Link Wray: 'The Shadow Knows'

8. Elvis Presley: 'Mystery Train'

9. The Rockin' Continentals: 'Count Dracula'

10. Sharkey Todd & The Monsters: 'Horror Show'

11. Duane Eddy: 'Stalkin''

12. The Sonics: 'Strychnine'

13. Baron Daemon: 'Ghost Guitars'

14. The Rebel Rousers: 'The Zombie Walks'

15. The Castle Kings: 'You Can Get Him, Frankenstein'

16. The Deadly Ones: 'Monster Surfing Time'

17. The Blasters: 'Dark Night'

18. Laika & The Cosmonauts: 'Psyko'