Tónleikur og siðvenja

Í farnu viku høvdu undirritaði og Námsvísindadeildin vitjan av David Hebert, professara í tónleikaútbúgving (Music Education) á Western Norway University of Applied Sciences í Bergen, Noregi. David Hebert er vegleiðari á míni PhD verkætlan og er nú vorðin adjungeraður sum professari í tónleikaútbúgving á Námsvísindadeildini á Fróðskaparsetri Føroya. Meðan hann var her, var David Hebert við á fundum og hevði framløgur fyri granskarum og starvsfólkum á Námsvísindadeildini, umframt at hann var gestaundirvísari á skeiðnum Tónleikur og siðvenja. Hetta er fjórða og seinasta skeiðið á tónleikalinjuni á Námsvísindadeildini undirvísingarárið 2022/23. Eg standi fyri og undirvísi í skeiðnum sum liður í míni PhD verkætlan, ið byrjaði 1. februar 2023. 

Advancing Music Education in Northern Europe (Hebert/Bakke 2018) er ein av bókunum, ið eru sprotnar úr NNME - Nordic Network for Music Education.

Luttøka á ráðstevnum, skeiðum og fundum í ymsum londum merkir eisini, at ein sleppur at vitja ymisk spennandi støð. Í samband við hesa vitjanina í Føroyum góvu vit okkum eisini stundir til at síggja ymisk støð, tá arbeiðssetningurin fyri vikuna var liðugur. Fríggjadagin fóru vit á eina rundferð til ymisk støð í Føroyum, og landið vísti seg frá síni flottastu síðu henda dagin. Her eru nakrar myndir frá túrinum.

Fagurt yvir Funningi henda dagin.

Gjógv.

Gjógv.

Risin og Kellingin.

Trøllkonufingur t.v. og Koltur til høgru.

Múlafossur í Gásadali.