4/26/10

Undo Your Mind

In a parallel universe James Bond is on his way to Mordor with a ring in his pocket...

4/20/10

Prince!

Í dag var kunngjørt at ein av mínum...ja...eg vil fara so langt sum at siga "ein av mínum hetjum", kemur á ein av mínum absoluttu yndis festivalinum at spæla.

Prince á Roskilde. Tað er eitt alvorliga kul ískoyti til eina longu frammanundan spennandi skrá.

Her er ein live upptøka av lagnum "Musicology" (av plátuni av sama navni frá 2004) frá Jay Leno Show. "Musicology" er faktiskt enska heiti á tí sum eg lesi, men eg veit ikki um tað altíð er so funky sum her!


Bloggurin áðrenn hendan snúði seg um mæta gittarmannin Jimi Hendrix, men Prince er so avgjørt ikki nakar hvør sum helst innan gittarleik. Hann er faktiskt ein stak stak habilur gittarleikari. Her er eitt klipp har Prince jammar "While My Guitar Gently Weeps" saman við Tom Petty og co. og brádliga trívir í eina fullkomiliga eksplosiva solo;

4/14/10

The Jimi Hendrix Experience

I'm currently researching and preparing for upcoming exam papers and Jimi Hendrix is in there somewhere. Started listening to his albums again the other day and once again I'm going through a Jimi craze. Been a fan of Jimi since 1995 and having my fifteen year anniversary as a Jimi fan this year. So I've been a Jimi fan longer than I haven't :)

IMO he's the greatest guitarman ever. Pure virtuoso power and unbelievable energy. A guitar hero.  In the ancient greek sense of the word! :) The great thing about Jimi is that he wasn't just a wizard on the guitar, he was also a great singer, a great lyricist and a great songwriter and he knew how get full use out of the studio as an instrument. Add to that his shamanistic performance skills and you've got a seriously unique artist.
Jimi only released three studio albums in his lifetime, all three with The Jimi Hendrix Experience + live albums and a whole lot of unfinished business (studio tracks that have been released on different posthumous releases) but his legacy is astounding. All three Jimi Hendrix Experience albums are amazing. Jimi shines but lets not forget his great English rhythm section of Noel Redding (bass) and Mitch Mitchell (drums). Mitchell especially bangs some seriously freaked out 60's style drums.

My first introduction to Jimi's music was a compilation album and I think this is the case for many people. But when it comes to tracks that were released originally on one of his albums I prefer listening to them in the context of their respective albums;

Are You Experienced? (1967)
This is the US cover of the album. Prefer it to the UK/European one. An insanely good debut album by any standard. It features the most "hit" songs.

Axis: Bold As Love (1967)
Contains moments of extraordinary beauty. "Little Wing" anyone?

Electric Ladyland (1968)
The artistic high point. Everything just comes together here.

Jimi Hendrix was here for a very short time (debut album out in 1967 and by 1970 he was already dead at age 27) but his music is timeless. You can always go back to it and experience it with fresh ears. It doesn't wear out.
There's lots more to be said about Jimi and his post-The Experience work but this is it for now! I'll leave you with an amazing version of "Voodoo Chile (Slight Return)" live from BBC*:

*Thanks Finnur Hansen for making me aware of this clip.

4/8/10

The Besnard Lakes

Malmö er slett ikki so býttur. Altso býurin. Liggur bara eitt sindur meir enn ein hálvan tíma frá Keypmannahavn via tok. Og har eru áhugaverd tiltøk viðhvørt. Konsertir og sovori. Sum t.d í kvøld, hóskvøld 8 apríl. Tá spælir ein kanadiskur bólkur sum eitur The Besnard Lakes á Debaser í Malmö.

The Besnard Lakes eru ordiliga góð, og tað eru hjúnini Jake Lasek og Olga Goreas, ið reka bólkin. Tónleikurin er eitt sindur retro kendur melodiøsur rockur við psykedeliskum og stórfingnum dámi. Jake Lasek hevur verið studio tech hjá m.a Arcade Fire. The Besnard Lakes minnir eisini eitt sindur Arcade Fire, men í eini meira steinaðari útgávu og við (nógv) meira gittarútblástri. Rock 'n' roll.

Plátan sum vakti ans æt The Besnard Lakes Are The Dark Horse og kom út í 2007. Minst líka góði uppfylgjarin The Besnard Lakes Are The Roaring Fire kom út fyrr í ár. Solveig og eg fara á konsert, og tað verður forkunnugt. Malmö er eisini mikið hugnaligur. Fáa okkum allarhelst ein bita áðrenn rokk og rullið.

Knall hamrandi feit live upptøka av "And this is what we call progress" av teirri nýggju plátuni


"Albatros" - fyrsta staklagið av The Besnard Lakes Are The Roaring Fire


"And You Lied To Me" - super feitt lag av The Besnard Lakes Are The Dark Horse (2007)

"Like the Ocean, Like the Innocent pt. 1 & 2" - Byrjunarlagið á teirri nýggju plátuni

4/1/10

Fólkaræði er eingin sjálvfylgja

Røðan, ið eg helt til mótmælistiltak hjá Unga Tjóðveldi á Speakers Corner, uttanfyri Løgtingið 31.03.10. Upprunaliga var ætlanin at taka gittaran við og spæla ein sang, men eg fekk onkursvegna sagt ja til at halda røðu eisini. Byrjaði at skriva røðuna og tá ein typt nøs setti stoppara fyri gittara og sangi, so bleiv tað bara til røðu. Hví ikki tað. Les endiliga! Eg vil fegin hoyra tínar viðmerkingar. Tað ber til at viðmerkja niðast.

Fólkaræði er eingin sjálvfylgja. Eitt væl fungerandi fólkaræði er so slett eingin sjálvfylgja.

Kanska er tað skeivt, at vit samanbera okkum við londini rundanum okkum. Norðanlond. Skandinavia. Hesi londini eru millum fremstu og best fungerandi fólkaræði í heiminum. Fólk fara á val, og tey eru so heppin at fáa okkurt, sum líkist tí, tey bóðu um, á valinum. So nøkunlunda, í øllum førum.

Hyggja vit longur út í heim, so er einki sum helst sjálvsagt í hesum. At liva í einum fólkaræði, sum riggar, er teimum fáu unt. Fyri meginpartin av heimsins íbúgvum eru mutur, svik, dráp og kríggj partur av gerandisdegnum. Tí tað at byggja land hevur við sær ógvusligar og áhaldandi rembingar. Konflikt. Ósemju.

Í okkara grannalondum duga tey tó at lata vápnini liggja og halda ósemjurnar verbalar. Orðadrátt. Debat. Kjak. Diskurs. Og tey duga rættiliga væl at hava eina politiska skipan, har tú so nøkunlunda veitst, hvat tú fært. Har tú kanst hava eitt ávíst álit á parlamentarisku umstøðunum.

Ein kann spyrja, um tað er skeivt at ynskja sær hesi tingini í Føroyum? Eru vit nóg, ja, framkomin til tess? Er tað utopiskt at tosa um eitt væl fungerandi fólkaræði í Føroyum? Eina politiska skipan, ið vit kunnu hava álit á?

Jamen, tað er bara at hyggja rundanum seg. Hygg at samfelagnum! Hygg at fólkunum rundanum teg. Hygg at teimum, sum hvønn dag fara upp og til arbeiðis og í skúla, og nýta síni evni til at framleiða tað, sum liggur teimum á hjarta. Hygg at vinnulívinum, hygg at blómandi mentanini, hygg at øllum tí, sum vit avrika. Hvønn dag!

Hetta samfelagið sigur mær somikið, at tað ER uppá sítt pláss at vilja eina konsekventa og málrættaða politiska leiðslu. Hvørki meir ella minni. Og ja, ein týðandi partur í hesum er sjálvandi, at vit vilja standa á egnum beinum og taka stýringina í egnum landi.

Eg eri troyttur av at yppa øksl yvir føroyskan politikk. Ella rættari; yvir mangulin uppá føroyskan politikk. Eg eri troyttur av at hyggja til fánýtis eftir felags stevi, felags málum og felags visiónum, og alt ov sjálvdan fáa eyga á eina kós, ið verður stungin út í kortið fyri alt samfelagið.

Eg eri ikki áhugaður í at standa her og vera í parti við nøkrum ávísum flokki ella ungmannafelagi, tí tað at føra konsekventan og málrættaðan politikk fyri alt landið er ein avbjóðing, sum allir teir politisku flokkarnir í Føroyum standa yvirfyri, uttan undantak.

Eg eri lesandi og eg búgvi í Danmark. Keypmannahavn. So eg eri stereotypan uppá hesar irriterandi ungdómarnar, sum fáa sær útbúgving uttanlands og síðani koma heim at vitja og halda seg vera.

Ah ja. Tað lættasta er at tiga og lata sum einki, men tað kemur ein bara ongan veg við. Og tað er ein alt ov útbreiddur óvani í Føroyum. Vit siga sum minst og lata standa til og eru um at ganga av verðini av innistongdum frustratiónum.
Lat vera við tí! Tak lut í kjakinum og finn útav, hvat tú heldur.

Herfyri varð sagt, at føroyskur ungdómur er politiskt líkasælur. Eg haldi ikki, at tað er so løgið, at ein ávis líkasæla ger um seg, tá stevið er so óstøðugt, sum tað er í føroyskum politikki. Tá tað ber so illa til at fáa eyga á ein málrættaðan og hugfangandi politikk, ið førir til annað og meir enn ypta øksl og nakkaskriðju en masse.

Tað er einki løgið í, at fólk hava lyndi at gerast politiskt líkasæl, tá førdi politikkurin sjáldan ella ongantíð endurspeglar teir menningarmøguleikar, ið búgva í fólkinum!

Okkara fólkavaldu hava eina ábyrgd at vísa í verki, at politikkur kann vera konsekventur, og at tað ber til at føra politikk við greiðum málum fyri framman.

Tíðin er komin til at halda uppat við at vingla fyri vág og vind, og bólturin liggur hjá tykkum, sum sita á tingi og í landsstýri. Megna tit ikki at spæla hann víðari, so mugu aðrar virkisfúsar kreftir sleppa framat.

Okkara samfelag stendur í blóma, og tað kann blóma enn meir. Men tað krevur eitt fólkaræði, sum riggar.

Politikkarar, sum tora at hugsa visionert.

Eina politiska leiðslu, ið vit kunnu hava álit á, og eina politiska skipan, har tað er samsvar millum tað, sum vit velja, og tað, sum vit fáa.

Takk fyri.